Eskualdeko partaidetza-prozesua ekintza klimatikorako

BateraLabs proiektuak herritarren parte-hartze prozesuak bultzatzen ditu Gipuzkoako eskualdeetan, lurralde bakoitzeko errealitatera egokitutako trantsizio klimatiko justu batean aurrera egiteko. Urola Garaian, prozesu honek hausnarketarako eta ekintzarako espazio partekatu bat sortzea du helburu, itsasbazterreko, mugaz gaindiko eta aberastasun ekologiko handiko inguruneari eragiten dioten erronka klimatiko nagusien inguruan. 

Urola Garaiko eskualdeak aurre egin behar die ingurune industrialaren tratsizio energetikoari, baliabide naturalen kudeaketari eta muturreko fenomeno klimatikoetara egokitzeari. Erronka hauek zuzeneko ondorioak dituzte uraren kalitatean, biodibertsitatean, ingurumen-osasunean eta tokiko jarduera ekonomikoan, bai eta eraginkortasun energetikoan eta lurraldearen erresilientzian ere.

Testuinguru horretan, BateraLabs-ek partaidetza-prozesu bat planteatzen du, eskualdearen berariazko klima-kalteberatasunak kolektiboki identifikatu ahal izateko eta fokua funtsezko esparruetan jarriz, hala nola industria-deskarbonizazioan, garraio iraunkorrean, eraginkortasun energetikoan eta ingurune naturalaren babes batean, jarduera ekonomikoa eta ekosistemen babesa bateragarri egingo dituena.

1. fasea · Klima-erronkak identifikatzea 

Prozesuaren lehen fase hau parte hartzeko espazio digital baten bidez garatzen da. Bertan, interesa duen edozein pertsonak edo erakundek Urola Garaiko erronka eta arazo klimatiko nagusiei buruzko bere ikuspegia eman dezake, tokiko ikuspegitik arriskuak, beharrak eta aukerak identifikatuz. 

Fase honetan jasotako ekarpenak 2. faserako oinarri gisa erabiliko dira. Fase horretan, lankidetzan lan egingo da eskualdeko errealitatera egokitutako trantsizio klimatikoa lortzen lagunduko duten proposamenak eta irtenbideak definitzeko.